Nagballaag ni Philippine National Police (PNP) Chief PGen. Nicolas Torre III kadagiti polis a saan a makapasa iti mamindua a daras iti yearly mandatory physical fitness test iti biangda.
Segun ken ni Police Regional Office III Director ken PNP Spokesperson PBGen. Jean Fajardo nga ipangrunada ti baro a hepe iti naurnos ken napintas a resulta ti physical test dagiti polis tapno makita a fit to work da saan laeng a babaen kadagiti dokumento.
Kinunana a nu saan a makapasa iti mamindua a daras dagiti polis iti test ket saanen a mabalin a dumalan ti re-training ken saanen a mabalin nga agbalin a subject para ti promosyon.
Gagem ti physical test a masigurado nga agbalin a fit dagiti polis iti panangakemda ti sinapataanda a mandato a saan laeng a kadagiti operasyon nu diketdi uray iti dadduma pay nga aktibidad ti kapolisan.
Kabayatanna, ikonsiderar ti baro a liderato ti organisasyon ti husto laeng a pammagi, tawen, tayag ken dagsen dagiti polis.
