VIGAN CITY– Agtipon a karit ken inspirasyon ti panangibilangan ti San Ildefonso Municipal Police Station ti naawat da a pammigbig kas “best municipal police station- women and children protection desk” iti intero a rehiyon uno nga inyawat a mismo ni Philippine National Police (PNP) chief director general Oscar Albayalde idiay Police Regional Office (PRO)-1.
Segun kenni P/Insp. Danny Ricod, officer-in-charge ti San Ildefonso-PNP, ado dagiti naggappuanan da kas kadagiti naidarum a suspek a nakonbiktaran nga isu ti posible a nangibasaran ti Regional Office tapno mapili da a kakaisuna a municipal police station a nabigbig kas “best muncipal police station women and children protection desk”.
Malaksid iti San Ildefonso Police Station ket inbay-on ti Ilocos Sur Police Provincial Office (ISPPO) iti panangidaulo ni PSr/Supt. Clint Bayacsan ti “Special unit awardee in the arrest of most wanted person”.
