Pinabileg ti Department of Labor and Employment ti Social Amelioration Program tapno sumayaat ti kasasaad dagiti mangmangged iti industria ti asukar ken biofuel.
Iti salinong ti Republic Act No 6982, 80 percent ti pondo manipud iti stabilization fee ket maited kas cash bonuses nga umabot iti P8,000 agingga P15,000 kada production cycle.
Adda pay P8,000 a maternity assistance ken P14,000 a death benefits.
Dagitoy a benepisio ket makatulong saan laeng nga iti inaldaw a gastusen no di ket uray pay iti panaggatang iti abono ken alikamen iti panagtalon, a mangpap-papigsa iti sektor ti asukar.
Makitintinnulong ti DOLE iti Sugar Regulatory Administration ken district tripartite council tapno masigurado a naurnos ken transparent ti pannakaipatungpal ti programa.
