VIGAN CITY – Posible a maaramat kas pagadalan dagiti pasdek ti Philippine Offshore Gaming Operator (POGO) hub idiay Porac, Pampanga nu laketdi makumpleto ti proseso ti panangkupiskar iti nadakamat a lugar.
Segun kenni Presidential Anti-Organized Crime Commission (PAOCC) Undersecretary Gilbert Cruz, ti addang ket tapno gundawayan dagiti pasdek nga immuna a naaramat iti ilegal nga aktibidad dagiti sindikato.
VC- PAOCC Undersecretary Gilbert Cruz
Innayonna a kapada dayta ti naaramid kadagiti immuna a nadiskobre a POGO nga us-usaren itan ti Department of Social Welfare and Development (DSWD) ken uray pay ti Department of Justice (DOJ) kas opisina.
Inlawlawag ni Senador Sherwin Gatchalian a ti maysa a sanikua ket maipaulog iti kontrol ti gobierno no mapaneknekan a nausar daytoy iti kriminalidad, partikular iti human trafficking.
 hub idiay Porac, Pampanga){kind=link}