--Ads--
Nakasaganan ti Philippine National Police (PNP) tapno masigurado a nainget ti seguridad ti umadanin nga impeachment trial ni Vice Pres. Sara Duterte.
Segun ken ni PNP Spokesperson Police Colonel Allen Rae Co, nakumpleton ti komprehensibo a security plan iti ahensya.
Karaman dayta iti panagdeploy kadagiti polis ken pannakikammayet iti Senado ken dadduma pay nga ahensya iti gobierno tapno masigurado a naurnos ken nakappia iti pannakaisayangkat ti trial.
Imbingay ti PNP nga awan pay ti namonitorda wenno na-verify a pangta a mabalin a makariribok iti impeachment trial.
-- ADVERTISEMENT --
Kabayatanna, siguradoen ti PNP nga insigidada nga imbestigaran ken agtignay no makaawatda iti impormasyon maipanggep iti posible a pangta.
