Ninayonan ti Philippine National Police (PNP) ti nairekomendar a kaso kontra kadagiti adda iti likudan ti pannakatay dagiti dua nga atleta ti Ateneo De Manila University.
Segun iti Criminal Investigation and Detection Group (CIDG), innayon da ti kaso nga homicide kontra ken ni coach Tab Baldwin ken Reckless Imprudence Resulting to Multiple Homicide kontra kadagiti walo pay nga indibidwal.
Ti nadakamat a kaso ket kalaksidan ti nairekomendar idi napalabas a domingo a panaglabsing iti anti -hazing law kontra ken ni Baldwin ken 10 pay.
Ipaiman ti CIDG iti Department of Justice (DOJ) ti evaluation kadagiti inrekomendar da a kaso.
Impasigurado met ni PNP Chief, Police General Jose Melencio Nartatez Jr. iti kabagyan dagiti biktima a maaddaan da ti hustisia.
