Nagyaman ti Philippine National Police kadagiti rinibo a nakipaset iti maikadua nga aldaw ti “Rally for Transparency and a Better Democracy” ti Iglesia ni Cristo ta agtaltalinaed a naurnos ken nakappia ti aktibidad iti maikadua nga aldaw.
Umabot iti mapatta-patta a 550,000 ti bilang dagiti dimmar-ay idi rabii, Nobyembre 17 iti Quirino Grandstand agingga iti alas otso iti rabii.
Iti sabali a biang, nagtalinaed a kalmado, naurnos ken nakappia ti nagbalin a sitwasyon iti lugar.
Dinayaw met ni PNP Acting Chief Lt. Gen. Jose Melencio Nartatez Jr. ti disiplina ken kooperasion ti amin a dimmar-ay iti religious rally.
Kasta met a nagyaman kadagiti kapulisan iti impakitada a propesyonalismo, panangsurot iti maximum tolerance ken awan sarday a serbisioda tapno masigurado ti kinatalged ti publiko.
