Nangirusat ti Philippine National Police iti nationwide manhunt kontra kadagiti nabatbati a co-accused ti kontraktor a ni Sarah Discaya.
Nairuar ti arrest warrant idi kalman mainaig iti mapapati a malversation ken korapsion iti P96.5 milion a flood control project idiay Davao Occidental.
Segun ken ni PNP acting chief Lt. Gen. Jose Melencio Nartatez Jr., makikamkammayetdan iti National Bureau of Investigation tapno maipatungpal ti warrant.
Iti agdama, iggem ti kapulisan ni Discaya ken ni Maria Roma Rimando.
Karaman kadagiti naireklamo dagiti dadduma nga opisial ti DPWH Davao Occidental nga isu da Rodrigo Larete, Michael Awa, Joel Lumogdang, Harold John Villaver, Jafael Faunillian, Josephine Valdez, Ranulfo Flores, ken Czar Ryan Ubungen.
Nabalakadan dagiti nabatbati nga akusado a sumuko ken nagballaag ti PNP iti publiko iti panangtulongda kadakuada.
