Nangipasan ti Philippine National Police iti listaan ti “Potential Areas of Concern” iti Commission on Elections nga ita ket maberberipika.
Segun ken ni PNP Spokesperson Police Colonel Jean Fajardo, ti Comelec laeng ti mabalin nga agideklarar ta dumalan pay iti validation ti joint security council nga imatmatonan ti komisyuon.
Dagiti lugar a naaddaan iti validated election-related incidents ket sumrek iti “yellow category” ta addan napasamak nga insidente.
Innayon ni Fajardo a dagiti dadduma pay a parameter a maikonsiderar ket ti nainget a laban iti pulitika kadagiti dadduma a lugar ken ti kaadda dagiti pribado ken armado a grupo.
Gagem ti desisyon no mano a pulis ti maikabil kadagiti areas of concern ken no mano ti maikabil iti Comelec control.
