--Ads--
Nagiwaras ti Philippine National Police (PNP) babaen ti panangidaulo ni Police Brig. Gen. Randulf Tuaño dagiti “Go Bags” kadagiti Public Information Office Personnel iti ahensya.
Ti addang ket gapu iti agsasaruno a panagginggined iti intero a pagilian idi napan a lawas.
Dagiti “Go Bags” ket adda kargana a first aid kits, emergency rations, danum, flashlight, whistle ken communication tools.
Gagem iti panagiwaras dagiti “Go Bags” a masugurado a dagiti police officers ket nakasagan iti nadardaras ken nataltalged a panagresponde iti panawen ti didigra.
-- ADVERTISEMENT --
Mainaig dayta, ti nasao nga aktibidad ket nakalinya iti bilin ni President Ferdinand Marcos Jr. a papigsaen ti kinasagana dagiti posible a mapasamak a didigra iti pagilian.
