--Ads--
Inlawlawag ti Philippine National Police ti pammilin iti panangikkat kadagiti politically branded signages ket sakup laeng dagiti uneg ti PNP properties kas kadagiti istasyon, kampo, ken opisina ti kapulisan.
Ti pammilin ket mayataday iti maysa a memorandum ti DILG a mangibilbilin a mangikkat kadagiti materyales nga adda nagan, ladawan, wenno simbolo dagiti pulitiko nangruna dagiti adda pakainaiganna kadagiti proyekto a pinondoan ti gobierno.
Segun ken ni PNP Chief Gen. Jose Melencio Nartatez Jr., gagem da a mapagtalinaed ti political neutrality ken propesyonalismo ti kapulisan ken masigurado a ti serbisio publiko ket saan a malaokan iti personal wenno partido a promosyon.
