Pinasingkedan ti Philippine National Police a mabalin a tumawag iti 911 hotline dagiti nagannak a marigatan a mangibagbaga kadagiti annakda a liklikan ti violent online games kagiddan ti amak nga epekto kadagiti ubbing iti overexpose iti online violence.
Segun ken ni PNP Chief Gen. Jose Melencio Nartatez Jr., mabalin nga agpaarayat dagiti nagannak no mapansinda nga adda panagbaliw iti garaw ti annakda, kagiddan ti panangipaganetget a ti nasapa a pannakaireport ket makatulong tapno maliklikan dagiti menor de edad iti pannaka-recruit wenno pannaka-impluwensya ti extremist groups.
Balakadna kadagiti nagannak a nainget nga imonitor iti online activities dagiti ubbing.
Ti apela ket kalpasan nga impakaammo ni Sen. Risa Hontiveros ti napasamak a pammaltog iti maysa a pagadalan idiay Tacloban ket mainanaig iti transnational online group a mangtartarget kadagiti ubbing iti panang-promote iti kinaranggas ken extremism.
