Nangiruar ti report ti maysa nga independent United Nations investigation a mangibagbaga nga adda nakaru a panaglabsing iti human rights kontra kadagiti ubbing a Palestino idiay Gaza ken West Bank, pakairamanan iti posible a panaglabsing ioti maibilang a crimes against humanity, war crimes ken genocide.
Segun ti UN Independent International Commission of Inquiry on the Occupied Palestinian Territory, karaman ti East Jerusalem ken Israel a kinutada manipod napasamak ti rinnupak iti Israel ken Hamas idi October 7, 2023.
Maibasar iti listaan, mapatta-patta a nasurok-kumurang 30% dagiti natay idiay Gaza ket ubbing ta umaboten iti 20,000 iti natay manipod October 2023 agingga October 2025.
Segun ken ni commission chair Srinivasan Muralidhar, adda dagiti ebidensya a mangipakpakita a tartargeten ken igaggagara a patayen ti Israeli security forces dagiti ubbing a Palestino ken posible a mangipasimudaag dayta iti intensyon a gibusen ti populasyon idiay Gaza.
