--Ads--
Impasigurado ni Philippine National Police Chief Police General Nicolas Torre III ti natibtibker a pannakibinnulig ti kapulisan kadagiti pagadalan.
Dayta ket tapno bantayan ti kinatalged dagiti estudiante kontra bullying ken dadduma pay a klase ti krimen iti panaglukat ti klase iti intero a pagilian.
Segun ken ni Gen. Torre, saan a palabsen ti PNP ti ania man a pangta kadagiti agtutubo iti uneg man ti pagadalan wenno ruar nangruna no panagaawid.
Inallukoy ni Torre ti publiko nga usaren ti 911 emergency hotline a mangireport iti bullying wenno ania man a makapa-atap a mabalin a mangdadael kadagiti agad-adal.
-- ADVERTISEMENT --
