--Ads--
Impaganetget ni Acting Philippine National Police Chief Lt. Gen. Jose Melencio Nartatez Jr nga awan ti impormasion nga aglemlemmeng ti pugante a negosiante a ni Charlie “Atong” Ang idiay Caraga Region.
Ti nasao a banag ket kagiddan ti maysa a press conference iti Police Regional Office 13 idiay Butuan City.
Binilin ni Nartatez ti PRO-13 a papigsaen ti manhunt para ken ni Ang iti lugar, bayat a sumangsango iti kaso a kidnapping with homicide gapu kadagiti mapukpukaw a sabungero.
Innayonna a natiliwen dagiti innem a co-accused ni Ang ken ikagkagumaan ti PNP ti makibinnulig iti international level tapno sapulen ti pugante.
-- ADVERTISEMENT --
