Umabot iti P346 billion ti gatad dagiti agpupuonan a sertipikado iti Board of Investment (BOI) manipod Enero agingga Mayo tapno mairanud iti napaspaspas a panagproseso dagiti permit iti salinong ti green lane initiative.
Segun ti BOI, adda sangapulo ket lima a proyekto nga inendorso ti programa a manamnama a makaaramid iti 38,818 a trabaho.
Kaaddoan kadagitoy ket 13 a proyekto ti renewable energy (RE) a ti pakabuklan a gatadna ket P344.62 billion ken manamnama a makaited iti 38,716 a trabaho.
Kabayatanna, ti nabatbati a dua a proyekto ket adda pakainagan ti food security, nga adda napagtipon a gatad a P980 million ken manamnama a makaaramid iti 102 a trabaho.
Ti green lane initiative a naidatag iti salinong ti Executive Order No. 18 ket gagem a padarasen ti pannakaipatungpal dagiti strategic investment babaen iti napaspaspas ken napadaras a panag-aprubar dagiti permit.
