Agtultuloy iti napintas a kampania ni Filipina tennis star Alex Eala kalpasan nga inabakna ni Zhang Shuai iti China iti straight sets iti iskor a 6-3, 6-2 iti Round of 32 iti WTA 500 HSBC Championship idiay London.
Kasaruno dayta iti immunan a balligina iti Birmingham Open, a nakagun-odanna iti umuna a grass-court title.
Iti laban kontra ken Zhang Shuai, ket nakulelat ni Eala kalpasan a naala ti beterana a kalaban ti 2-0 lead, ngem insigida a nakabawi ken nakapuntos iti nagsasaruno nga ay-ayam a gappuanan ti pannakaalana ti umuna a set a 6-3.
Iti maikadua a set, nakontrol ni Eala ti laban ken saanna a binaybay-an ti momentum agingga naalana iti 6-2 a pangabak.
Gapu ti pangabak ket abanse ni Eala iti Round of 16 ket makalabanna ni Iva Jovic iti United States, nga isu ti nangabak kenkuana iti French Open idi napan a bulan.
Ni Jovic ket seeded number 6 iti torneo, isu a manamnama nga agbalin a narigat ti laban para iti Filipina tennis star.
