Bilin ni PNP Chief General Jose Melencio Nartatez Jr. ti Anti-Cybercrime Group (ACG) a paingeten dagiti imbestigasyon kontra kadagiti bomb threat nga agwarwaras iti online, dagiti peke a ballaag iti pammaltog, ken dadduma pay a viral a mensahe a naglaon kadagiti pangta kontra kadagiti pagadalan.
Dayta ket kasaruno ti napalabas nga insidente a nakairamanan iti maysa a barito a suspek a nag-post ti bomb threat iti social media pages iti sumagmamano a pagadalan idiay San Ildefonso, Bulacan.
Segun ken ni Nartatez, dagiti bomb threat ken kapadana a pangta ket mangbutbuteng, mangtaktak kadagiti klase ken panag-divert iti police resources manipod kadagiti pudno nga emergencies.
Makikamkammayet payen ti PNP iti Department of Education (DepEd), opisyal a pagadalan ken dagiti lokal a gobierno tapno masigurado a tunggal pangta ket maimbestigaran a dagus.
