--Ads--
Saan pay a nagsarita ni Philippine National Police Chief General Rommel Francisco Marbil ti panangawag ni Vice President Sara Duterte a political harassment ti pannaka-ikkat ti security detail-na.
Maipalagip nga inyakar ti National Capital Region Police Office ti pitopulo ket lima a kameng ti Police Security and Protection Group a dati a naka-assign a mangted seguridad ken ni Duterte.
Kinuna ni Duterte nga awan ti request a napasamak.
Nupay kasta ket kinuna ni Marbil nga agtultuloy ti PNP ti top-tier security services ken ni Vice President Sara Duterte.
-- ADVERTISEMENT --
Ipaay latta ti PNP ti seguridad para ti bise presidente kadagiti kangrunaan a papananna iti pagilian.
