Imbilin ni Philippine National Police Chief Lt. Gen. Melencio Nartatez Jr ti dagus a panangipakni kadagiti istasyon ti kapulisan a nadadael gapu iti bagyo Uwan.
Daytoy ket kas mayataday iti pammilin ni Presidente Ferdinand Marcos Jr a siguradoen ti agtultuloy a serbisio publiko ken ipangruna ti dagus a panagbangon ken kasasaad dagiti kameng ti gobierno agraman dagiti pasilidad nga inapektaran ti bagyo.
27 nga istasyon ti kapulisan ti nadadael agraman ti Casiguran Municipal Police Station idiay Aurora ta nadadael dagiti barracks ti istasyon, isu a napilitan dagiti pulis nga akman ti trabahoda ken temporaryo a kumamang iti bakante a selda ti pagbaludan tapno agtalinaed ti operasion.
Malaksid dayta, agtultuloy ti panagresponde dagiti pannakabagi ti linteg kadagiti nadidigra ti bagyo.
