Nagpalagip ni Philippine National Police Chief PGen. Jose Melencio Nartatez Jr iti publiko nga agplano iti nasapa, agannad ken suroten dagiti simple a pammalagip ti kapulisan tapno agbalin a natalged ken nakappia ti panangrambak ti Semana Santa kadua dagiti pamilia ken gayyem nangruna ita nga Easter Sunday.
Inallukoy ti PNP chief ti publiko a no bilang adda emergency ket saanda nga agdudua a tumawag iti Unified 911 wenno mapan iti kaasitgan a presinto.
Nakaalerto latta met ti PNP iti pannakapaliiw ti Sabado Gloria ta adda dagiti nakadeploy a kapulisan kadagiti kangrunaan a lugar tapno asistaran dagiti biahero ken dagiti mangpalpaliiw iti tradision iti Semana Santo.
Impalagip pay ni Nartatez ti panagannad kas ti panangplano iti biahe, panangsurot iti linteg-trapiko ken panangbantay kadagiti ubbing iti asideg ti kadanuman, tapno makatulongda a mangsigurado a natalged ken naragsak ti holiday.
Kabayatanna, nakappia met ti intero a panangpaliiw iti Biernes Santo ta nagbalin a naannayas ti pannakipaset dagiti Katoliko kadagiti misa ken prusision.
