Piyansa ti babai a nagtakaw idiay Kampo Santo ti Sto. Domingo a nakailanad iti linteg, ninayunan ti piskal

VIGAN CITY – Ninayunan iti piskalya ti inyetnag da a piyansa kontra ti babai a nakemmeg November 1 ta mapapati a nagtatakaw idiay kampo santo ti Sta. Cruz, Sto. Domingo.

Segun ken ni Police Captain Christopher Ramat, hepe ti Sto. Domingo municipal police station, nalaka ngamin ti tallo ribo a pisos a piyansa ti suspek a ni Editha Ilar a taga- Pug-os, Sinait isu nga inkeddeng ti piskal a nayunan iti pagpiyansa na tapnu agnakem.

Maipalagip a nakemmeg ni Ilar ta mapapati nga innala na ti pouch ti biktima a ni Herminia Sotelo a naglaon ti dua pulo a piraso ti sangaribo a pisos ken dua a 100 Canadian dollars.

Adda pay ti kadua ti suspek nga agnagan ti Anabel Portes alyas Billit.

Nadakamat ni Ramat a paulit-ulit nga ar-aramiden ti suspek iti agtakaw agsipud ta nalaka laeng iti nakailanad iti linteg a pagpiyansa na.