Pitopulo ket innem a porsiento a Pilipino a nataengan iti intero a pagilian ti imamnamong ti pannaka-ban dagiti cellphone kadagiti pagadalan kas maibasar ti survey nga imparang ni Senador Sherwin Gatchalian.
Naisayangkat ti Pulse Asia survey manipod Hunyo 17 agingga 24 ita a tawen ket makita a sangapulo ket tallo a porsiento ti saan nga immanamong ti gadget ban kadagiti pagadalan ken 11% ti nagkuna a saanda a maibaga nu umanamongda wenno saan.
Ti singasing a pannaka-ban dagiti cellphone kadagiti pagadalan ket nakaala ti 80% a suportar idiay National Capital Region, 89% iti Balanced Luzon, 61% idiay Visayas ken 81% idiay Mindanao.
Manipod ti socioeconomic classes nakaala ti proposal ti dakkel a suportar manipod Classes ABC iti 80%, Class D a 76% ken Class E a 71%.
