Nasurol 72,000 ordinance violators ti nakemmeg iti intero a National Capital Region manipod pay idi April 6 iti salinong ti Safer Cities campaign iti Department of the Interior and Local Government (DILG) kas pinasingkedan ti National Capital Region Police Office (NCRPO).
Segun ken ni NCRPO Chief Maj. Gen. Anthony Aberin, naglabesen iti 72,000 ti bilang dagiti violator agingga Mierkules a ti inaldaw nga average ket 6,000 agingga 7,000.
Sakup ti kampania ti pannakaipatungpal dagiti lokal nga ordinansa kas ti curfew dagiti menor de edad no dumanon ti alas dies iti rabii, maiparit a panaginom iti pampubliko a lugar, ken restriksyon iti panag-ussob.
Kinuna ni Aberin a nabilin dagiti polis nga agannad iti panagbabalaw ken idayaw ti human rights, police operational procedures ken maximum tolerance iti panangipatungpal dagiti ordinansa.
