VIGAN CITY- Balligi ti simultaneous earthquake drill nga indaulwan ti Bureau of Fire Protection- Vigan City idi kalman kas paset iti 1st Quarter National Earthquake Drill.
Segun ken ni Fire Chief Inspector Nemecio Valenciano, city fire marshall ti Vigan City, kadua da idi kalman a nangiwayat ti earthquake drill kadagiti pito a pagadalan ket ti City ken Provincial Disaster Risk Reduction and Management Office, City Public Safety Office, Philippine Red Cross, PNP, Department of Education ken dagiti barangay officials.
Maragsakan ni Valenciano ta nakita na nga ammo dagiti agad-adal iti ububraen da nu adda ti dumteng a didigra, nangruna ti gingined, ngem kinunana nga adda latta dagiti sumagmamano nga agiinnangaw ken saan a seryoso a nakipaset iti aktibidad.
