Saan manen a dimmar-ay dagiti pito nga opisial ti Office of the Vice President iti agtultuloy nga imbestigasyon ti House good government and public accountability budget utilization ti ahensia.
Iti maysa a position letter, kiniddaw da OVP chief of staff Zuleika Lopez, Lemuel Ortonio, Atty. Rosalynne Sanchez, Julieta Villadelrey, Gina Acosta, Atty. Sunshine Fajarda, ken Edward Fajarda iti House panel a leppasenen ti imbestigasyon iti daytoy nga isyu.
Napatulodan dagiti pito nga opisial iti subpoena ad testificandum nga inruar ti House good government and public accountability committee idi October 17 gapu iti saanda nga idadar-ay iti imbestigasyon no kasano nga inaramat ti opisinada ti badyet pakairamanan dagiti confidential funds.
Immunan a kiniddaw ti panel chairperson a ni Joel Chua iti Department of Justice a mangiruar iti Immigration Lookout Bulletin Order kontra kadakuada.
