Pito a lallaki a nagsusugal, nakemmeg idiay Abra; maysa kadakuada, naalaan iti paltog

Pito a lallaki ti nakemmeg iti naiwayat nga anti-illegal gambling operation idiay Sitio Dalnetan, Barangay Agtangao, Bangued, Abra.

Dagiti pito a lallaki ket naaktuan nga agaayam iti dado.

Kabayatan met iti protective search kadagiti suspek, maysa a lalaki ti nakatinnag iti black tactical sling bag na ket naiparang ti maysa a caliber 9mm pistol.

Idi masaludsod no adda papelna tapno agikot iti paltog, awan ti naitedna.