Mangisayangkat ti dua nga aldaw a nationwide transport strike ti grupo a PISTON inton Setyembre 29 ken 30 gapu iti agtultuloy a panagngato ti presio ti produkto petrolyo.
Segun ken ni PISTON National President Mody Floranda, mapatta-patta nga umabot iti 70, 000 agingga 100, 000 jeepney driver ken operator ti manamnama a makipasset iti tigil-pasada
Pinasingkedan ni Foronda nga igiddan da ti protesta iti manamnama a a baro nga oil price hike a posible nga umabot iti nasurok P10 ti kada litro.
Karaman ti panawagan ti grupo ti panangikkat iti VAT ken excise tax iti produkto petrolyo, panagbaba ti presio ti langus iti P55 ti kada litro ken panangpa-awan bisa iti Oil Deregulation Law.
Kiddaw pay ti grupo para iti living wage para kadagiti mangmanggged iti sektor ti transportasion.
