Impaganetget ni Senate Committee on Energy Chairman Erwin Tulfo ti panangamyendar iti Oil Deregulation Law tapno agbalin a nalawlawag ken transparent ti addang ti panangituding ti presio ti langis iti pagilian.
Segun ken ni Tulfo, masapul a maaddaan ti dakdakkel a bileg ti Department of Energy a kiddawan ti panangipalawag dagiti kompania ti langis no ngumato ti presio dagiti produkto petrolyo.
Saan a masapul a basta laeng ipasa dagiti motorista ken transport sector ti kellaat a panagngato ti presion ti krudo nga awan ti nalawag a panangipalawag no kasano daytoy a naikeddeng.
Nabayagen a kidkiddawen ti transport sector ti nalawlawag a panangipalawag kadagiti panaggaraw ti presio ti langis gapu ta direkta a maka-apekto daytoy iti pagbiagan ken presio dagiti magatang.
Inkumapra ni Tulfo ti Oil Deregulation Law iti Electric Power Industry Reform Act wenno EPIRA a segun kenkuana ken mangted dalan iti panangipasa ti sumagmamano a gastos dagiti kompania ti kuryente kadagiti consumer.
