Manamnama ti presio ti diesel ken kerosene bayat a posible ti rollback ti gasolina inton sumaruno a lawas.
Iti advisory nga inruar dagiti oil industry sources manipud iti uppat nga aldaw a trading iti world market, posible a ngumato ti presio ti diesel iti P2 agingga iti P2.50 kada litro, ken P1 agingga iti P1.50 kada litro ti kerosene.
Kabayatanna, adda manamnama a roll back a P1 agingga iti P1.50 kada litro ti gasolina.
Segun kadagiti oil industry sources karaman kadagiti sumagmamano a rason ti panagngato ti presio dagiti produkto ti petrolyo ket ti kumarkaro a panangraut ti grupo dagiti Houthi iti imprastruktura ti Saudi Arabia, ken kadagiti barko iti Gulf, a pakaigapuan ti pannaka delay dagiti suplay ti lana iti merkado.
Naituding nga iruar ti Department of Energy inton Lunes, Oktubre 26 ti maudi nga anunsio a mainaig iti panagbal-baliw ti presyo dagiti produkto ti petrolyo, ken namnamaen nga pannangi implementar daytoy dagiti kompania ti petrolyo iti sumaganad nga aldaw.
