Ngimmato ti 2.54 million ti bilang dagiti Pilipino nga awan ti trabaho wenno negosyona idi October iti agdama a tawen.
Dayta ket katukad ti 5% a panagpangato, kayatna a sawen ket 50 manipod 1,000 a tattao iti awan ti trabahona wenno negosyona iti nasao a bulan.
Nangat-ngato ti nairekord nga unemployed idi October kumparar iti 1.97 million a nairekord nga unemployed individuals idi October idi napan a tawen.
Inlawlawag ni Philippine Statistics Authority Usec. ken National Statistics Claire Dennis Mapa, ti panagpangato ti unemployed individuals iti pagilian idi napalabas a bulan ket gapu iti saan a pannaka-absorve iti trabaho iti dadduma a nakipaset ti labor market.
Iti year-on-year, nanayunan ti 576,000 a bilang ti awan ti trabahona wenno negosyona idinto a 463,000 met ti nainayon a naaddaan iti trabaho.
Inlawlawag ti PSA chief a naapektaran ti timmama a bagyo idi October iti panagadu ti bilang dagiti awanan iti trabaho.
