Pilipino nga adda iti death row iti sabali a pagilian, umabot iti innem a pulo ti bilangda

Limapulo ket siam a Pilipino iti sabali a pagilian iti sumangsango iti dusa a bitay a kaadoan kadakuada ket gapu ti kaso a murder.

Segun ken ni Department of Foreign Affairs Undersecretary Eduardo De Vega, kaadoan kadagiti Pilipino nga adda iti death row ket adda kadagiti pagilian nga adda informal moratorium iti death penalty.

Dagiti nasao a Pilipino ket adda idiay Malaysia ken Saudi Arabia.

Innayon ti DFA official a kadagiti pagilian a kas iti Saudi ket agtultuloy iti panangkitada iti wagas tapno mapakawan dagiti Pilipino dagiti pamilia dagiti napapatay.