Tallo a major distictions iti naawat iti Pilipinas bayat ti Grand Final Gala Ceremony iti World Travel Awards (WTA) idiay Bahrain kas pinasingkedan ti Department of Tourism (DOT).
Segun ken ni DOT Secretary Christina Garcia Frasco, ti pammadayaw ket saan laeng a nangsigurado iti pagilian iti three-peat recognition kas World’s Leading City Destination no diketdi gapu ta isun iti maikapito a deretso a pannangabak iti Leading Dive Destination iti intero a lubong.
Segun ken ni Frasco, ti Boracay ket nakagun-od iti back-to-back recognition kas Leading Luxury Island Destination iti Lubong.
Pinasangbayan ni Frasco dagiti pammadayaw kas milestone a pagsarmingan iti agpada a public support ken global industry recognition.
Nagyaman ni Frasco kadagiti biahero ken tourism professionals a nangibotos iti Pilipinas.
Innayonna nga itultuloyda a papigsaen ti tourism infrastructure, connectivity ken visitor services tapno dagiti nasao a pammadayaw ket mangitunda iti ad-adu nga oportunidad para kadagiti umili.
