Dinayaw ti Philippine Army ti kinabannuar dagiti tallo a suldado a nangbuwis iti baigda iti pannakilaban tapno masalakniban dagiti umili idiay Oriental Mindoro kontra kadagiti nabatbati a miembro ti Communist Terrorist Group.
Segun ken ni Phil. Army Spokesperson Col. Louie Dema-ala, ti kinaturedda ket pammaneknek nga awan ti sarday ti panangipatungpal ti akemda a salakniban dagiti Pilipino kontra iti aniaman a klase iti terorismo ken kinaranggas.
Kagiddan dayta ket binigbigna pay ti kinatibker dagiti nadunor a suldado iti nasao nga engkwentro.
Siguradoen ti Philippine Army a mangtedda ti kasapulan a suportar kadagiti nadunor ken kadagiti pinanawan a pamilia dagiti suldado.
Innayon ni Dema-ala nga agserbi nga inspirasyon ti sakripisyo dagiti suldado tapno mapapigsa pay ti laban tapno maparmek ti terorismo.
