--Ads--
Kinumpirmaran ti Philippine Consulate General idiay Hong Kong ti pannakatay ti maysa nga agtawen iti sangapulo ket pito a Pilipino kalpasan a natinnag iti maysa a rangtay iti Peng Chau.
Immunan a naipakaammo a natinnag iti kabaybayan ti barito bayat a magmagna iti railings iti Chau Tsai Bridge kalpasan a naawanan ti balanse.
Insigida isuna a naipan iti Pamela Youde Nethersole Hospital ngem naideklarar a natayt.
Makikamkammayeten dagiti gagayem ti pamilia iti Consulate General ket siniguradoda ti tulong iti panangasikaso iti bangkay.
-- ADVERTISEMENT --
