--Ads--
Kinumpirmaran ti Philippine Consulate General idiay New York nga awan ti naawatda a report nga adda nadangran a Pilipino iti nakaro a wildfire idiay Ocean County, New Jersey, United States of America.
Segun kadagiti otoridad, ti wildfire ket nangrugi idi Martes, Abril 22 idiay Greenwood Forest Wildfire Management Area.
Napaspas a nagkayamkam ti uram iti rinibo nga acre ti kabakiran, isu a nagbakwit dagiti agindeg nga adda iti asideg.
50 percent ti kontroladon iti uram nupay agtultuloy latta ti pangta iti sanikua ken kabakiran.
-- ADVERTISEMENT --
Binalakadan ti Philippine Consulate dagiti miembro ti Filipino community kadagiti apektado a lugar nga agalerto latta ken sumurot iti pammilin dagiti otoridad.
