Inaprubaran ni Vice President Sara Duterte ti personal trip ti chief of staff-na a ni Undersecretary Zuleika Lopez ken panagsublina iti katengngaan iti Nobyembre.
Segun ti Office of the Vice President (OVP), ti panagbiahe ni Lopez iti sabali a pagilian ket manipod November 4 agingga 16, 2024.
Ti biahe ti OVP Chief of Staff ket personal ken saan a mainaig iyi employment-na iti OVP ken naipasa dagiti requirement a kasapulan ti traveling government officials nga inaprubaran ti Vice President.
Kinuna ti House Good Government and Public Accountability committee a nakaawatda dagiti rekord manipod Bureau of Immigration a mangipakpakita a ni Lopez ket immabot iti immigration gates iti 7:31pm idi November 4. Maysa ni Lopez kadagiti pasahero iti Philippine Airlines flight PR 102 nga agturong idiay Los Angeles.
Immunan a nangiruar ti House panel iti subphoena ken testifacundum ket ni Lopez ken innem pay nga opisyal ti OVP para iti panagkedkedda a dimmar-ay iti imbestigasyon nu kasano nga inaramat ti OVP iti budgetda pakairamanan ti confidential funds.
