--Ads--
Impasigurado ti Philippine Drug Enforcement Agency a sumurotda iti panawagan ni Presidente Ferdinand Marcos Jr a papigsaen ti kampanya kontra kadagiti small drug dealer, idinto nga agtultuloy a masursurot ti due process.
Numan pay agtultuloy ti operasyon kontra kadagiti large syndicate ti droga, maikkan importansya payen dagiti drug pusher kadagiti komunidad.
Mangipasa pay ti PDEA iti report mainaig kadagiti addangda a manglaban iti daytoy.
Manipud Hulyo 2022 agingga Setyembre 2024, nakakumpiskar ti PDEA iti nasurok P50 billion a gatad ti iligal a droga ken nakaiwayatda iti 84,676 nga operasyon a nagresulta iti pannakakemmeg ti 114,000 a tattao, agraman dagiti rinibo a high value target.
-- ADVERTISEMENT --
