--Ads--
Dagus a nangipatulod ti nayon a “ChariTimba” food packs ti Philippine Charity Sweepstakes Office (PCSO) para kadagiti residente a naapektaran ti magnitude 7.8 a ginggined idiay Glan, Sarangani.
Nailugan ti relief goods iti maysa a C-295 aircraft ti Philippine Air Force (PAF) iti Villamor Air Base ken timmayab a napan idiay General Santos City.
Naisayangkat ti airlift operation iti pannakibinnulig ti Office of the Civil Defense tapno masigurado ti napardas a panangipaay ti tulong kadagiti apektado a komunidad.
Segun ti PCSO, ti panangipatulod ti nayon a food packs ket kas panangsurot iti direktiba ni Presidente Ferdinand Marcos Jr. a padarasen ti panangipaay ti tulong kadagiti biktima ti ginggined iti nadakamat a rehiyon.
-- ADVERTISEMENT --
