Impasigurado ti Presidential Communications Office (PCO) nga tutokanda da iti panagwaras ti deep fake ken fake news iti umadanin a 2025 elections.
Kabayatan ti P2.151 billion budget proposal ti ahensia, nagsaludsod ni Caloocan Representative Mitzi Cajayon-Uy maipapan kadagiti addang nga inaramid ti PCO tapno malabanan ti saan nga usto a pannakausar ti artificial intelligence nangruna iti masungad nga eleksion.
Sungbat ni PCO Acting Secretary Cesar Chavez, adda maangay a National Information Summit ti PCO ita a Setiembre nga atendaran dagiti amin a pannakabagi ti state media iti intero a pagilian.
Segun kenni Chavez, mangipaulog da pay iti bilin para iti pannakadutok dagiti ‘fact-check officers’ kadagiti amin a regional office ti Philippine Information Agency, Philippine News Agency tapno malabanan dagiti fake news.
Impasigurado met ti sekretario kadagiti agpanpanday-linteg a dagitoy nga isyu ket karaman iti naisagana a communication arm.
