--Ads--
Naka-activate ti deployable response group ti Philippine Coast Guard kas panagsagana iti posible nga epekto ti bagyo Ramil idiay Bicol Region tapno masigurado ti kinatalged ken proteksion dagiti agindeg a maapektaran iti bagyo.
Nakaalerto ti grupo kadagiti kasapulan nga alikamen, land vehicles, ken water assets a nakasagana a maideploy iti ania man nga oras a kasapulan.
Segun iti Coast Guard District Bicol, gagem ti nasapa a tignay a maksayan ti posible a kinapeggad, masalwadan ti biag ken makaipaay iti tulong kadagiti lugar a maapektaran.
Mabalbalakadan pay met ti publiko nga agbalin a naridam, imonitor ti kasasaad ti panawen, ken suroten ti pakdaar dagiti lokal nga otoridad ken dagiti ahensia.
-- ADVERTISEMENT --
