Naka-heightened alert status ti Philippine Coast Guard bayat nga agsagsagana da para iti posible nga epekto ti Super Typhoon Inday, kangrunaan iti National Capital Region, Northeast Luzon, Northwestern Luzon, ken Bicol Region.
Imbilin ni PCG Commandant Admiral Ronnie Gil L. Gavan PCG iti amin a maseknan a Coast Guard Districts, Stations, ken Sub-Stations nga ipatungpal dagiti addang iti panagsagana ken pagtalinaeden ti nainget a koordinasion kadagiti local risk reduction and management offices ken dagiti local government units tapno maprotektaran dagiti komunidad.
Segun ken ni PCG Acting Spokesperson Commander Michael John Encina, impasidongen ti Coast Guard dagiti addang iti panagsagana ken ti panagresponde iti salinong ti Intensified Community Assistance, Awareness, Response, and Enforcement (iCARE) campaign.
Na-mobilize payen ti PCG Auxiliary tapno tumulong kadagiti operasion ken panagsagana.
