Binigbig ni Presidente Ferdinand Marcos Jr. ti napateg a kontribusion ken sakripisio dagiti mangisursuro bayat nga indauloan na ti panagsapata dagiti baro a promoted teacher ken principal ti Department of Education National Capital Region iti seremonya a ‘Rise in Service” iti salinong ti Expanded Career Progression (ECP).
Dinakamat ni Marcos ti narigat a responsibilidad dagiti mangisursuro, manipud ti panagisuro ken panagsagana ti leksion agingga iti panang-tarabay kadagiti estudyante ken boluntario a serbisio iti komunidad.
Pinasingkedan ti presidente a ti edukasion ket isu ti kangrunaan a tulbek iti panagdur-as ti pagilian ken impasigurado na ti agtultuloy a suporta ti gobierno kadagiti mangisursuro.
Impunto ni presidente Marcos a ti promosion ket agbalin a dalan para iti nasaysayaat a panagbiag, saan laeng a para ti bukod a bagi ngem para pay iti pamilia-da.
