Inallukoy ni Presidente Ferdinand Marcos Jr dagiti umili nga iparikna ti panangisakit ken panangtulong kadagiti marigrigat, masakit, biktima iti didigra ken dagiti katutubo ita a marambakan ti Paskua.
Daytoy ti nagbalin a mensahe ti presidente ita nga aldaw ti Paskua kas pannakikaysa kadagiti umili a mangrambak iti okasyon.
Iti mensahena, kinuna ti presidente a kas ken ni Hesus a nangisalakan iti sangkataoan, iranud dagiti agkasapulan ti adda a bendision.
Inallukoyna pay dagiti padana a Pilipino nga iparikna iti pada ti kinasingpet, ken kinaragsak nangruna kadagiti ubbing.
Kalikagumna a matungpal ti tarigagay ti tunggal maysa ken agari latta ti panagayat ken kinatarnaw ti puso ita a paskua ken uray kadagiti sumangbay a baro a tawen.
Innauyonna a nasken ti agyaman kadagiti bendision a naawat iti intero a tawen ken agragsak iti sidong ti pamilia, gayyem, ken dagiti ay-ayaten iti biag.
