--Ads--
Impasigurado ni Presidente Ferdinand Marcos Jr. ti kinasagana ti gobierno tapno masigurado ti kinatalged ken kinaurnos ti publiko ita nga Undas, kangrunaan dagiti bumisita kadagiti kamposanto ken agbiahe iti nadumaduma a lugar.
Segun ken ni Marcos, mangar-aramiden dagiti nadumaduma nga ahensia ti gobierno iti panagsagana, kas ti inspeksion kadagiti airport, pantalan, ken bus terminal, kasta payen ti pannakatarimaan dagiti kalsada.
Para met kadagiti agbiahe a rummuar ti pagilian, naipasigurado nga awan ti bakante nga immigration counter manipud Oktubre 30 agingga Nobyembre 3.
Agaramatda pay iti e-gates ken help desks tapno mapadaras ti proseso ken matulongan dagiti pasahero.
-- ADVERTISEMENT --
