--Ads--
Impasigurado ni Presidente Ferdinand Marcos Jr a saan a lumaka ti presyo ti irik uray no limmaka ti presyo ti bagas iti tiendaan gapu iti P20 kada kilo a rice program ti gobierno.
Segun ken ni Marcos, gatangen latta ti National Food Authority ti irik dagiti mannalon iti P18 kada kilo, presko man wenno nabasa, ken P23 per kilo met para iti clean and dry.
Innayon ti presidente nga awan ti dryer ken processing facility ti kaaduan a mannalon, isu a mapilitanda a mangilako iti irik iti nalaka a gatad.
Gapu dayta, mangimuntar ti gobierno iti rice processing plants ken ginasut a dryers tapno matulongan dagiti mannalon.
-- ADVERTISEMENT --
