--Ads--
Impannakkel ni Presidente Ferdinand Marcos Jr. ti baro a konspeto ti administrasyon iti pananglaban ti iligal a droga.
Segun ken ni Presidente Marcos, naibilang daytoy a ‘bloodless drug war’ ta saan a maar-aramat ti kinaranggas kadagiti agar-aramat iti iligal a droga, no di ket tultulonganda dagiti naigamer ta kaykayat ti gobierno a dadaelen ti droga imbes a biag ti tao.
Innayon ti presidente a nakapokus ti drug war ti administrasyon iti panangliklik, rehabilitation ken nainget a law enforcement kontra kadagiti dakkel ken bassit a sindikato.
Impasiguradona pay nga agtultuloy ti bloodless drug war tapno agtuloy met ti narugian a napintas nga epekto iti pagannurotan kontra iti iligal a droga.
-- ADVERTISEMENT --
