Saan nga agbalin a lapped ti mapaspasaran a krisis iti enerhia ti pagilian tapno ital-o ken maituloy dagiti ar-aramiden ti gobierno para iti pagsayaatan dagiti umili.
Dayta ti pinasingkedan ni Presidente Ferdinand Marcos Jr iti baet ti agtultuloy a panangsango iti kari titi nangina a langis gapu iti riribuk iti Middle East.
Segun ken ni Marcos, agtultuloy ti panagaramid kadagiti kalsada, panangipaay iti serbisio a para iti salun-at, panangtulong kadagiti estudiante, ken panangparmek iti krimen.
Agtuloy pay ti panangtulong kadagiti atleta, panangitandudo iti kultura, sining, ken panangpapigsa iti turismo.
Innayon ti presidente nga agtultuloy ti trabaho dagiti amin a sangay ti gobierno ken saanna a baybay-an a matunday ti serbisio nga ipapaay ti gobierno uray pay kasano kadagsen ti parikut a sangsangwen ti pagilian.
