Excited ni Presidente Ferdinand Marcos Jr. iti potensial nga oportunidad a maipaay ti Pax Silica iti Pilipinas, kangrunaan iti pagpapalawa ti artificial intelligence (AI) ken panangpapigsa iti supply chain security.
Iti panagsangona iti 24th Forbes Global CEO Conference idiay Singapore, kinuna ti presidente a dakkel nga oportunidad para iti pagilian ti nasao nga inisyatiba nga idaulwan ti Amerika.
Segun ken ni Marcos, makatulong ti Pax Silica iti panangpapigsa ti ASEAN framework para iti AI, nangruna ta kasapulan ti naan-anay a panawen tapno mapokusan daytoy a teknolohia iti rehion.
Gagem ti Pax Silica a mangbukel iti natibtibker a world supply chains para iti semiconductors, AI, napateg a mineral ken advanced manufacturing, idinto a target a maipatakder ti hub-na idiay New Clark City, Tarlac.
