Addan ti go-signal ni Presidente Ferdinand Marcos Jr. para iti P3 bilyon a pondo para iti sektor ti agrikultura a mausar kas fuel subsidy.
Inyanunsio ti Department of Agriculture ti nakaituding a panangipatungpal ti fuel subsidy program para kadagiti mannalon, mangngalap, ken agricultural truckers kas paset dagiti addang ti gobierno tapno maliklikan ti epekto ti panagngato ti presio ti langis.
Pinasingkedan ni DA Undersecretary for Agro-MArine Industrial Systems Arrey Pere, tunggal sektor ket makaawat ti P1 bilyon.
Para kadagiti mannalon, mangted ti DA ti P5, 000 nga one-time assistance babaen ti Interventions Monitoring Card (IMC).
Dagiti met mangngalap nga adda otorisado a fishing boat na ket makaawat ti P9, 350 a cash assistance.
Kabayatanna, dagiti agri-truckers ken food-lane operators ket makaawat ti agingga P2, 000 kada lawas, katukad ti 20 a litro a gasolina nga adda P10 a discount na kada litro.
